本文是“心碎礼物”的后续, 之后的情节将有很大的改动, 若接受不了跟原作不同的故事, 请自动略过, 或者当是一个全新故事看好了, 谢谢
(七)
殷赏不再理会余龟蛋, 迳自往外走, 来到自家办公室门口便听到金尧坚叫她, 转头看到坚姐朝她走过来
「老总, 你嘅三文治呀」坚姐递上殷赏要她帮忙买的午餐
殷赏接过三文治并问「唔该晒,做乜得你一个嘅, 其他人呢?」
「哦, 今日啲餸起得慢呀, 仲有一个餸未到, 我拎上嚟比你先之嘛」
「你食埋先嘛, 我都唔饿」
金尧坚神情有点鬼祟的说「其实呢, 我系专登系其他人未上嚟之前拎比你架」
看她古古怪怪的, 殷赏疑惑地问「点解呀」
「系咁嘅, 头先落去食饭之前呢, 我见你瞓着咗, 唔知你系咪唔舒服呢, 我好似听到少少....鼻鼾声呀」金尧坚不好意思地说
鼻鼾? 殷赏的脸一下子红如熟虾
赏os唔怪得余家升够胆入嚟, 仲帮我冚埋被, 原来我扯鼻鼾扯到死猪咁, 就算无谂过系佢面前做淑女, 都唔使咁快连打鼻鼾都比佢见埋架, 救命呀, 好瘀呀!
她尴尬地把目光移到金尧坚以外之处时, 竟看到茶水间内有一张笑吟吟的龟蛋脸
赏os死龟蛋, 笑到咁阴湿, 未见过靓女打鼻鼾呀, 阵间你就知死
本欲回房的余家升被殷赏的死光眼吓得马上止步并转头背向着她, 因为他知道若被金尧坚发现他在场, 殷赏必会更尴尬, 到时他肯定会死得更惨。
完全不知有第三者在场的金尧坚续说「不过你唔使惊呀, 当时佢地已经落晒去, 得我一个人系度咋, 我就系知如果比啲男同事知道咗呢, 你可能会尴尬, 所以咪谂住早啲上嚟叫醒你先罗」
「唔该晒你」殷赏无奈苦笑
「咁我落番去先啦, 你慢慢食喇」
听到关门声后, 余家升以为殷赏已回房, 自己应该可以安全离开, 谁知一转头
「哇」他下意识地举起双手, 原来面容凶狠的殷赏已步入茶水间, 跟他只有数步之距,
升「你...我....」
升os余家升, 你窒口窒舌做咩呀, 佢又唔系用抢指住你, 你举咩手啫?
话虽如此, 不过想是一回事, 眼看命定的克星愈走愈近, 他的手还是腾在半空, 为一切有可能的袭击作出防卫性的准备, 口齿不甚流畅的说「我...嘅意思系冷静啲... 冷静啲」
美美的食指停在距他鼻头不到一公分处「即刻将你头先见到听到嘅所有画面, 全部delete晒佢」
「得」余家升用力地眨了下眼 「无晒」
殷赏转动着他鼻头前的食指说「如果比我知道你留番啲记忆仲同其他人分享嘅话, 我就煎咗你嚟做龟蛋三文治」
被她转动着的指头弄得有点晕,余家升甩甩头说「可唔可以唔用啲咁残忍嘅方法呢, 件事又唔止我一个知, 咁样好易杀错良民架, 而且都好唔公平啫」
赏os : 你个罪魁祸首, 如果唔系你, 我点会搞到瞓咗系厅, 冷亲都唔知
殷赏说着的同时, 手指更一下一下的落在余家升的胸脯上「你同我讲公平? 点解我病咗都要返工呀? 就系因为公司唔够人, 我一个人要做埋总编、副编仲有记者, 今朝做完访问, 返到嚟成枱嘢要我睇, 你同我讲公平, 咁边个同我讲呀? 仲有, 呼吸系统唔舒服, 瞓觉有鼻鼾, 有乜咁好笑呀, 吓, 咳....」
余家升好无辜的说「我都唔系笑呢样, 我只不过觉得你...面红个样好....」
「好乜嘢呀」母老虎的眼睛瞪得好大耶
坦白是不是真的可以从宽?「好.....cute」
赏os殷赏, 唔可以笑
极力压下唇边的笑意, 殷赏故作凶悍的说「cute? 我而家想kill你就真系呀」
他抚了抚被戳痛的胸口「咁你喷完我一轮, 无咁大火系咪可以唔使煎呢」
殷赏双手叉腰「好呀, 你唔想煎嘅, 我咪兑咗张1千万嘅支票, 等你坐监罗」
面对越来越不平等的条约, 余家升不忿的说「喂, 张支票唔系for studio嗰次咋咩」
「喂, 乜你张票有写明for咩用途咩, 一系你就写多张, 再唔系, 到时你就煎、炒、炆、炖、焗, 是但拣一样罗」有理无理都占尽上风的殷赏好无赖地说完便掉头走人
留下的余龟蛋瞪眼结舌的呆了好一会儿才喃喃地说「佢系咪开始发烧, 咁好火嘅」
