6楼. 九龍城寨之圍城|康城「香港之夜」宣揚香港創意文化 票房衝破6300萬成史上第5華語片
近來成為話題嘅動作電影《九龍城寨之圍城》,自月初上映以來港澳票房已錄得6300萬進帳,更成為香港電影史上,華語片總票房嘅第5位。近日電影主要演員同導演等正參展第77屆康城影展,新片亦入圍其中嘅「午夜展映單元」。
導演 鄭保瑞 同戲中主要演員好似 古天樂 Louis Koo 林峯 Raymond Lam 劉俊謙 Tsz Tung Tony Wu 胡子彤 以及 German Cheung (張文傑) ,全男班以最有型姿態現身「午夜單元」,而較早前出席「香港之夜」時,仲獲男一型男 彭于晏 專誠現身支持,令Man爆嘅現場氣氛更為熾熱。
出席「香港之夜」活動嘅包括香港同海內外數百名電影同業,當然包括正熱映嘅《九龍城寨之圍城》團隊,之後佢哋再出席《九龍城寨之圍城》嘅康城首映,喺午夜場時段一齊踏上康城紅地毯。
文體局局長 楊潤雄 為「香港之夜」主持祝酒儀式,佢同一眾官員歡迎世界各地來賓,亦表示對香港電影業發展支持,而《九龍城寨之圍城》團隊亦極力支持香港旅遊業發展,希望吸引更多旅客訪港。
康城影展舉行期間,香港電影發展局亦聯同創意香港、香港貿易發展局,於康城電影市場設立香港館,並舉辦多場交流聯誼同放映活動,向全球電影人展示多部優秀香港作品,其中「Kowloon Four」 林峯、劉俊謙、胡子彤同張文傑四子,就開live簡單介紹香港館實況。
#九龍城寨之圍城 #6300萬票房 #華語片總票房第5位 #第77屆康城影展 #午夜展映 #香港之夜 #古天樂 #林峯 #劉俊謙 #胡子彤 #張文傑 #彭于晏 #康城首映 #香港電影發展局 #創意香港 #香港貿易發展局
8楼. 九龍城寨之圍城大收$63,216,046!殺入香港華語片票房十大第五位!
喺上映19日票房已經破咗6000萬,將本身喺第十位成龍既警察故事4之簡單任務(5751萬)踢出十大! 同一時間,票房十大中,已經再見唔到成龍既身影了~~~~
第一位係2023年既奇片~毒舌大狀,收咗成1億1506萬,成為香港電影史最勁港產片!而第二位明日戰記收8182萬,距離都成3千萬.你話毒舌大狀利害唔利害?跟手第三位飯戲攻心收7739萬,再落就寒戰II 6624萬.
九龍城寨之圍城就過咗梅艷芳既6206萬殺上殺第五位,跟住你會留意到十大中頭六部有4部係安樂既電影,幾鬼恐怖~~
台灣片那些年,我們一起追的女孩就真正票房大爆啦,收咗6186萬排第七,連我哋既最愛周星馳都慘被KO!佢既功夫(6127萬)同有加長版加持既少林足球 (6073萬)亦只留守第八,九位. 至於第十位就真係奇中之奇片啦~係收咗6042萬既葉問3......
九龍城寨之圍城相信破億登頂冇乜難度,一來電影本身高質,二來仲拉咗好多平時唔入場既觀眾返戲院,同埋經歷過城寨歲月既哥哥姐姐都入場懷緬一吓~
希望嗰啲終極齊人謝票場呀,特別片段版呀,係喺過咗億之後先推出啦!而我就期待仲有咩特典場,嘿嘿!
#無IMAX版真係遺憾
香港華語片票房十大
1)毒舌大狀 - $115,060,394
2)明日戰記 - $81,821,966
3)飯戲攻心 - $77,395,003
4)寒戰II - $66,244,171
5)九龍城寨之圍城 - $63,216,046!
6)梅艷芳 - $62,068,723
7)那些年,我們一起追的女孩 - $61,862,731
8)功夫 - $61,278,697
9)少林足球 - $60,739,847
10)葉問3 - $60,422,830
#古天樂 #洪金寶 #任賢齊 #林峯
#劉俊謙 #胡子彤 #伍允龍 #張文傑
#喬靖夫 #廖子妤 #王尹菁 #蔡思韵
#黃德斌 #郭富城 #鄭保瑞 #谷垣健治
#九龍城寨之圍城