1楼. 藝人洪欣嘅老公張丹峰早前傳出與經理人畢瀅過從甚密,更因喺酒店同房而被指「出軌」,當中一個疑似畢瀅微博小號嘅帳戶,除不時爆料之外,佢講述愛上有婦之夫嘅背景同洪欣張丹峰極為相似,佢仲試過公開狂鬧洪欣,同埋自稱「矮小黑」呢個張丹峰取笑畢瀅嘅花名,令唔少人都相呢個就係畢瀅。張丹峰尋日發聲明反擊否認一切「指控」,其中更澄清畢瀅冇呢個小號,正當網民𢱑晒頭呢個「畢瀅小號」究竟係邊個時,佢終於現身!
「畢瀅小號」喺微博度話,之前嘅發文一直都係講緊自己嘅感情生活,絕對冇提過張丹峰三個字,自稱「矮小黑」都係咁啱得咁橋,對於造成各方嘅誤會,佢話會向三位當事人道歉,特別係洪欣,因為曾經口不擇言鬧過佢咁話。
图图于子郎love 2019-4-21